jump to navigation

Babagan Sinau February 7, 2008

Posted by Mas Wigrantoro Roes Setiyadi in Galery Puisi.
trackback

 Wong sinau ora kudu ing njero kelas,

Ananging kudu ono ing njero ati lan pikiran kang wening,

Seliyane, ora elok wong sinau ora nganti rampung,

Sinau urip ya kudu nganti tuntas uripe.

 

Wates-e sinau, sing endek-endekan

nek bel wis muni…

nek mata wis ngantuk….

nek buku wis ditutup….

nek awak wis dikrukupi..

 

lha pitakone para kadang,

pripun tumrap sinau ingkang inggil

babagan sinau kahanan

yen sinau ing kelas, diwatesi lonceng,

yen lelaku soko buku, sakdermane mata.

 

sinau babagan kahanan,

yo sak-sak-e sing sinau,

lan sak- ono-ne sing di-si-na-o-ni

 

arep dianggep ora tau rampung yi iso,

digawe gampang yo pancen ora angel,

dipikir susah lha wong nggarape butuh kaprigelan, katemenan, dalah kauletan.

 

dikarepi ndang gelis rampung, lha nggih monggo

diulir-ulir nganti lelet, dionceki nganti tekan wiji,

dikrowoti nganti tekan pelok, ora ono entek-e

 

sak bejo-bejane wong sinau,

luwih bejo sing ngerti kapan rampung-e

ono sing luwih bejo tinimbang wong sing mung sinau,

yo kuwi wing sing ngamalke kawruhe, kanggo lan becik-e sapada-pada.

 

wong sing sinau, ananging ngelmune lan kawruhe dalah keprigelane,

mung kanggo awak-e dewe, podo karo tanduran kang ora entuk wiji,

urip-e mung sepisan, ora ono pineruse, sigra tirta ngambah godhong lumbu,

blas ora ono bekase.

 

wong sing cilaka, yo kuwi wong sinau terus, sinau opo wae,

nanging ora ngerti endi paran lan dununge,

ora ngerti pang-guna-ne kawruh sing disinaoni,

lan ora gelem ngerti nek wayahe wis lumengser.

 

sing luwih ciloko, wong sing ora gelem sinau,

soko liyan dalah soko pengalamane dewe,

wong sing koyo mengkene,

ora beda karo sak bodo-bodo-ne khaiwan.

 

mulo kuwi sedulur,

ngoyo-oyo panira,

sak barange kang di-udi,

kabeh mau ono teges lan mangsane.

Advertisements

Comments»

1. ana - March 5, 2008

saya se7 dgn pndpt ini. memeng btul apa yang dtulis

2. Sigit Widyawan - October 14, 2008

Aku lagi wae moco Puisi Jowo iki…(wah telat yo..soale mau neng kantor moco emailmu, bareng teko ngomah bingung arep reply.. nggolek-i emailmu..tak googling, sing ketemu blog iki ).Yen iku karyamu Mas,…wheleh weleh..sampeyan setingkat karo Ronggowarsito..isine teges lan mentes !


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: